Një aksident u shënua mëngjesin e sotëm në rrugën ‘5 Maji’ në kryeqytet, ku mbeti i plagosur një kalimtar. Nga kamerat e sigurisë së një biznesi shihet se si një prej mjeteve të përfshirë në aksident, që drejtohej nga një grua, përplas shtetasin me inicialet F.A,. i cili qëndronte në anë të trotuarit.
Shtetasi që u lëndua, ishte në pritje për të kaluar rrugën tek vijat e bardha. Sikundër shihet nga pamjet në fjalë, mjeti ka marrë para kalimtarin, duke e rrëzuar në tokë pa ndenja.
Lidhur me këtë aksident, uniformat blu kanë deklaruar se personi i plagosur është transportuar për në spital, ndërkohë që nuk dihet se si është gjendja e tij shëndetësore.
