Reçaku: Masakra që tregoi kush ishin xhelatët dhe viktimat në Luftën e Kosovës

Më 15 janar 1999, 45 banorë të fshatit Reçak në Kosovë, u gjetën të masakruar nga trupat serbe. Shefi i Misionit Verifikues të OSBE, amerikani Uilliam Uoker, tha se ky ishte një krim i paramenduar nga Beogradi.

Ajo ngjarje ndryshoi qasjen e ndërkombëtarëve ndaj çështjes së Kosovës. Presioni mbi Millosheviçin u rrit gradualisht, deri në nisjen e bombardimeve të NATO-s mbi Serbi, që sollën çlirimin e Kosovës.

Reçaku dhe dhjetëra masakra që e pasuan, treguan fare qartë se kush ishin vrasësit dhe kush viktimat në Luftën e Kosovës. Por edhe pas 22 vitesh, për mijëra viktima nuk ka ende drejtësi.

Ironikisht, sot në Hagë ndodhen drejtuesit kryesorë të Ushtrisë Çlirimtare të Kosovës. Presidenti serb Vuçiç pretendon se do që të ketë marrëdhënie të mira me shqiptarët.

Por në dhjetor 2019, ai e cilësoi Reçakun si një histori të trilluar nga Uoker. Edhe Gjykata e Hagës është e kompromentuar, që kur shpalli në vitin 2016 të pafajshëm pas vdekjes Sllobodan Millosheviçin nga të gjitha akuzat për krime lufte.

                                       TIRANA TODAY