Kryeministri Edi Rama ka folur rreth marrëveshjes së shumë përfolur të 17 majit të 2017-ës, mes tij dhe kryedemokratit, Basha.
I ftuar në emisionin “Java” në RTSH, Rama tha se këtë marrëveshje opozita e shikon si një ndër faktorët pse PD humbi zgjedhjet. Kreu i qeverisë kritikoi opozitën teksa u shpreh se në asnjë vend nuk ndodh që opozita të refuzojë dialogun me qeverinë.
Rama shtoi me ironi se e vetmja gjë e pafalshme që ai ka bërë është që ka fituar zgjedhjet.
“Një gjë është tipike që opozita nuk e refuzon dialogun me qeverinë, madje e synon dhe qeveria rëndom është e prirur që ta refuzojë. Në kujtesën time, në të gjitha vitet që kam drejtuar opozitën disa herë i jam drejtuar kryetarit të qeverisë për t’u ulur në tryezën dhe në shumë raste s’kam marrë përgjigje, përveç një rasti për ndryshime kushtetuese.
Kur qeveria gjykohet, s’mund të bëhet se pse nuk merr në konsiderata kërkesën që të ndryshojë kryeministrin apo të formacionit qeverisës sepse e do opozita. Këto arsye që ka opozita i gjykon zgjedhësi. Ajo që më takon mua dhe ne si qeveri, është që të jemi të gatshëm që të dëgjojmë arsyet e palës tjetër. Më shumë se kaq se di se ça mund të bëjë..Ka qenë marrëveshje e duhur dhe e dobishme (marreveshja e 17 majit) Pas humbjes së PD gjeneroi një frymë tjetër se “të gjithë humbjen e solli marrëveshja”. Dhe që “kurrë më marrëveshje, se ndryshe humbasim”.
Se me ‘Ramën në krye, i biem murit me kokë’. Mendoj se ajo që kam bërë dhe është e pafalshme, është se kam fituar zgjedhjet. Dhe duke fituar zgjedhjet, jam bërë i padurueshëm për ta. (qesh) Ne jemi të gatshëm të ulemi, të diskutojmë. Pa kushte. Nuk jemi të detyruar të biem dakord për të gjitha. Por nuk besoj se politika…ne kemi bërë bojkot Kuvendit, por nuk ka rritur mbështetje dhe vota, por na ka energjizuar. Njerëzit janë të prirur që të kërkojnë arsyetim”, tha ai.
