Ministri për Rindërtimin, Arben Ahmetaj gjatë fjalës së tij nga foltorja e Kuvendit, deklaroi se ulja e taksës për biznesin e vogël është një premtim i mbajtur.
Duke bërë një bilanc për ekonominë dhe shifrat nga fondi i pagave, Ahmetaj tha se mandati i tretë është i natyrshëm për të majtën.
Ndër të tjera, ai nuk i kurseu ironitë për opozitën.
Arben Ahmetaj: ”Ulja e taksës për biznesin e vogël, premtim i mbajtur. 130 milionë dollarë i janë kursyer familjeve. 106 % rritje. 151 mijë të punësuar në biznesin e vogël. Si u zgjeroja punësimi në një sektor apo ekonomi kur ekonomia bie? Si shkon punësimi nga 439 mijë në gati 720 mijë? Pyetje retorike për komedianin! Shyqyr që shpëtoi Devolli dhe Kapshtica nga boloria e borieve. Keni dëgjuar këtu bolorinë e oligarkisë. Nën maxhorancën totalisht të majtë, biznesi i madh ka paguar 395 mln dollarë.
Çdo qytetar, me shkollë, pa shkollë, i majtë i djathtë, më thoni; cila është mazhoranca që anon për qytetarin e zakonshëm. Lë ta kundërshtojë njeri me meme. Doni fondin e pagave? Kjo ishte një nga arsyet për të rrëzuar buxhetin. Fondi i pagave, mjekët dhe infermierët, u vlerësuan për betejën përballë COVID, apo dhe mësuesit. Kemi pasur një flamur, që do ta mbajmë dhe për mandatin e tretë, progresivitetin.”
