Aktori i humorit Agron Llakaj a folur me dhimbje të madhe për vendlindjen e tij, Memaliajn. I ftuar në emisionin “Soiree”, Llakaj madje është përlotur teksa tregonte gjendjen e vështirë të bashkëqytetarëve, madje ai rrëfeu se shpesh ka shpërndarë edhe pako me ushqime për t’i ndihmuar ata, pasi nuk kanë asnjë të ardhme.
“Unë thashë më parë që shkoj shpesh në Memaliaj dhe e vetmja gjë që marr pas është dhimbja dhe trishtimi. Duke parë që nuk ka asnjë të ardhme, sepse çdo qeveri nuk i kthen sytë nga Memaliaj, sepse iku miniera, u largua çdo gjë, filloi u ç’bë qyteti. Thonë më mirë një fund i tmerrshëm se sa një tmerr pa fund. Varfëria është ulur këmbëkryq, dhe unë të vetmen gjë jam munduar, herë pas here kam shkuar duke dhënë koncerte. Ndonjëherë që nuk dua ta përdor këtë shprehjen, bashkë me Ylli Bakën kemi shkuar e kemi dhënë një tip koncerti le të themi bamirësie. Kemi shpërndarë disa pako me ushqime, që më vjen turp që e thashë tani këtë…”, ka thënë Agroni me lot në sy.
