Shfaqjet aspak të këndshme nuk ofrohen vetëm në Kuvendin shqiptar, por edhe të huaj. Një situatë kaotike është përjetuar nga deputetët në Turqi, ku nuk kanë kursyer edhe dhunën.
Pas debateve të ashpra për ndërhyrjen ushtarake turke në Siri, një sherr masiv ka ndodhur në sallën e Parlamentit në Turqi.
Këto pamje filmike dëshmojnë dhjetëra deputetë të partisë së presidentit Recep Tayyip Erdogan, dhe ata të partisë kryesore të opozitës, që shtyjnë dhe godasin njëri-tjetrin. Disa nga ata godasin me grushte, por ka dhe deputetë që përpiqen të qetësojnë situatën.
Përplasja e së mërkurës nisi kur Engin Ozkoç i Partisë Republikane të Popullit në opozitë mori fjalën. Më parë në një konferencë për shtyp ai e quajti presidentin Erdogan si të pandershëm, të ulët dhe të poshtër.
