Teksa inspektoi punimet sot në Lezhë Kryeministri Edi Rama ka deklaruar se do ti vijë fundi i shumëpritur i odisesë njëzetë e pesë vjeçare të një rruge të pakalueshme. Gjatë këtij takimi nuk kanë munguar batutat e shkëmbyera me banorët e zonës së Torovicës.
“Si jeni, afrohu se më keni luajt mendsh, rruga e Torovicës, po tashti, 20 vjet pa rrugë, tani ta bëjmë rrugën, këtu ishte për të kaluar me tank, ta bëjmë tamam. Do ketë edhe Shëngjin Velipojën. Apo thuaj, ti do na i bësh, ty do të mysin. Në fakt ashtu është se kush punon kritikohet”- tha kryeministri.
Ndërkohë lulet të cilat ishin për Ramën ka preferuar që t’ia japë një banori. Për shkak se lulet ishin me ngjyra të bardha e të kuqe bardhë, pra kishin ngjyrat e LSI-së, sipas Ramës. “Po lulet jepja atij, jepja. E di pse ti dhashë ty lulet, se ke votuar për LSI”- tha Rama.
Dialogu
Rama: Po këto lulet? Jepja atij jepja. Hajde merri.
Banori: Faleminderit, mirë se erdhe!
Banori: Dhurata më e mirë kjo ishte për mua.
Rama: E di pse ta dhashë ty se është bardh e kuq, ti ke votuar për LSI-në.
Banori: Për LSI-në nuk kam votuar asnjëherë në mënyrë absolute. Për PD kam votuar, për LSI-në jo.
Rama: Ke votuar për PD-në ë, epo lule blu nuk kam unë.
Banori: Boll bukur këto.
