Bashkëshorti i këngëtares Adelina Tahirit, Serjoza Markov është vënë në qendër të mediave edhe për martesën e tij të parë, nga e cila ka një vajzë 20-vjeçare.
Në rrjetin social Instagram të vogëlushit Jon, që mendohet se e menaxhon vetë Adelina, ditën e sotme është publikuar një foto e motrës së Jonit.
Jana Markova është vajza e bashkëshortit të Adelinës, e cila me sa duket paska marrëdhënie të mira me familjen e re të të atit.
Ajo ka pozuar duke mbajtur në krahë të vogelushin e familjes Jon Markov.
Kujtojmë se gjatë një interviste pak kohë më parë, Adelina Tahiri ka folur për marrëdhëniet e mira që ka me vajzën 20-vjeçare të bashkëshortit.
“Burri im i ka gjitha të drejtat për vajzën e vet. Si çdo prind për vajzën e vet duhet ta dojë më së shumti në botë dhe unë jam iniciatore që kudo që shkojmë t’i blejmë dhurata, kemi respekt dhe marrëdhënie solide”, tha Adelina.
