Një rast i rëndë u publikua në media sot, ku një 53-vjeçar ka abuzuar seksualisht në mënyrë të përsëritur me një 16-vjeçare. Ky rast abuziv ka ndodhur në Libohovë të Gjirokastrës, ku 53-vjeçari Kabuli Hunda dyshohet se ka abuzuar seksualisht me vajzën e nipit.
“Panorama” ka publikuar edhe foton e autorit, ku ndër të tjera bën me dije se prej disa kohësh, 53-vjeçari ishte kthyer nga Greqia pas vdekjes së të shoqes.
(Në foto Kabuli Hunda)
Të dyja familjet janë në gjendje të dobët ekonomike, dhe prindërit e vajzës me probleme shëndetësore.
Duke shfrytëzuar këto rrethana, 53-vjeçari Kabuli Hunda ka krijuar lidhje intime me të miturën. Marrëdhënia e tyre nuk ka mundur të mos bjerë në sy nga komuniteti, por askush nuk ka kryer denoncimin.
16-vjeçarja ndodhet në spital në gjendje të rëndë si psikologjike ashtu edhe shëndetësore si pasojë e përdhunimit. Burime nga spitali pohojnë se ka patur hemorragji të lartë, që e ka rënduar gjendjen e saj shëndetësore.
