Kryeministri Edi Rama ka firmosur shkarkimin nga detyra të kryebashkiakut të Lushnjes Fatos Tushe. Sipas vendimit të botuar në Fletoren Zyrtare, thuhej se shkarkimi nga posti i kryetarit të Bashkisë, vjen për shkak të shkeljeve të rënda të kryera nga Tushe.
Kryebashkiaku i Lushnjes, Fatos Tushe dhe 10 zyrtarë të tjerë, u arrestuan ditë e djeshme nga SPAK, pasi u përfshirëne në një tender abuziv të ditëve të fundit, prej 24 milion lekë për rehabilitimin e kanalit ujitës.
Tushes i janë vënë prangat në zyrën e tij, ndërsa kreu i këtij grupi ishte Flamur Peqini, kreu i Ndërmarrjes së Pasurive Publike dhe njëherazi ish- kreu i Inspektoratit të Ndërtimit në Lushnje.
Mes të arrestuarve ishte edhe Flamur Peqini, ish-kreu i Inspektoratit të Ndërtimit në Lushnje i cilësuar si “koka” i grupit, Gazment Çela zv. drejtor i Ndërmarrjes së Pasurive Publike dhe Xhemal Hasko përgjegjësi i ujit në Bashkinë Lushnje.
