E shtunë, 24 Korrik, 2021
19.5 C
Tirana

Absurde, ja kur nisi rrugëtimi i Shqipërisë drejt BE-së për Taulant Ballën

Kryetari i grupit parlamentar për Partinë Socialiste, Taulant Balla deklaron se rrugëtimi i Shqipërinë drejt BE-së ka nisur vetëm në vitin 2014 kur PS-ja ka ardhur në pushtet.

Balla ka postuar në rrjetin social Facebook, detaje sa i takon një projekti bashkëpunimi mes Partisë Socialiste, Fondacionit “Qemal Stafa” dhe Institutit Demokratik Amerikan (NDI – National Democratic Institute).

Në postimin në fjalë, Balla thotë se “me kërkesë të të rinjve bëra një prezantim të pritshmërive tona lidhur me rekomandimin për hapjen e negociatave me Bashkimin Europian”. Më tej, kreu i grupit parlamentar socialist shkruan se “bëra shkurtimisht një përshkrim të rrugëtimit të Shqipërisë drejt BE-së: Në vitin 2014 Shqipëria mori statusin e vendit kandidat dhe na përcaktuan 5 detyra kyce që të mundësohet hapja e negociatave”.

Balla me sa duket e ka harruar që para se të vinte Rama në pushtet në vitin 2013, Shqipëria u anëtarësua në NATO, ju hoq regjimi i vizave, nënshkroi marrëveshjen e Asocil Stabilizimit si dhe një sërë marrëveshje të tjera të firmosura nga qeveria e demokratëve ndërsa PS në atë kohë në opozitë bënte çdo gjë për t’i bllokuar.

Postimi i plotë i Taulant Ballës

Filluam konkretizimin e një projekti tjetër bashkëpunimi mes Partisë Socialiste, Fondacionit “Qemal Stafa” dhe Institutit Demokratik Amerikan (NDI – National Democratic Institute). Akademitë Politike kanë në fokus të tyre formimin e të rinjve si liderë të së ardhmes, me prurje dhe ide inovative drejt përafrimit me bashkësinë Europiane.

Me kërkesë të të rinjve bëra një prezantim të pritshmërive tona lidhur me rekomandimin për hapjen e negociatave me Bashkimin Europian:

Rekomandimi për hapjen e negociatave nuk ishte një fitore e PS. Ishte një fitore e shqiptarëve. Sigurisht që PS meriton gjithë vlerësimin sepse ishte PS ajo që përmbushi kriterin kryesor që para 4 vitesh nuk mendohej se mund të realizohej ndonjëherë, e që ishte pastrimi i sistemit të drejtësisë nga gjyqtarët e prokurorët e korruptuar. Para 4 vitesh nuk e besonte kush se vetting-u do të bëhej realisht.

Për hir të këtij procesi kaq të rëndësishëm historik ne përsëri kemi shtrirë dorën për të kërkuar bashkëpunimin e opozitës, sepse një pjesë e mirë edhe të reformave që do të vijnë kërkojnë konsensus edhe më të gjerë se sa ai që ne kemi sot në Kuvend, edhe pse ne kemi një mazhorancë komode për të qeverisur vendin.

Por nuk mund ta fsheh konstatimin se është për të ardhur keq që në Parlament kemi një opozitë të papërgjegjshme, nisur nga veprimet e përsëritura të dhunës.

Unë jam shpresëplotë, se pavarësisht sensibiliteteve kundër zgjerimit që ka në disa vende, ne të kemi mundësi që Këshilli Europian t’i japë rrugë rekomandimit për hapjen e negociatave. Vetëm Lulzim Basha thotë se Shqipërisë nuk duhet t’i hapen negociatat.

Më tej bëra shkurtimisht një përshkrim të rrugëtimit të Shqipërisë drejt BE-së:
Në vitin 2014 Shqipëria mori statusin e vendit kandidat dhe na përcaktuan 5 detyra kyce që të mundësohet hapja e negociatave.

E para, është shteti i së drejtës dhe reforma në gjyqësor. 
E dyta ka të bëjë me luftën kundër korrupsionit.
E treta, lufta kundër krimit të organizuar. 
E katërta, reformimi i administratëspublike.
Dhe e pesta, të drejtat e njeriut. 
Pra një nga këto prioritete ishte reforma në drejtësi për të cilën unë sot, si Kryetar i Grupit Parlamentar të PS, jam shumë krenar që partia ku unë bëj pjesë luajti një rol historik në përgatitjen miratimin e kësaj reforme.

Tani, jemi në vitin 2018, Komisioni Europian, pasi ne i përmbushëm të gjitha detyrat kyçe, thotë se tashmë Shqipëria është e gatshme të hapë negociatat.

Edhe Parlamenti Europian mbështet rekomandimkn që BE të fillojë negociatat për anëtarësim me Shqipërinë.

- Reklama -

Më shumë nga kategoria




Të fundit

Shembet ura në Siberi, bllokohet hekurudha më e gjatë në botë

Vërshimet si pasojë e reshjeve të furishme në Siberi kanë çuar në shembjen e një urë, duke e shkëputur hekurudhën siberiane, më e gjata...

Kina vendos sanksione ndaj shtatë shtetasve amerikanë

Kina njoftoi të premten se po vendos sanksione ndaj disa shtetasve amerikanë në përgjigje të sanksionimit nga ana e Shteteve të Bashkuara të shtatë...

KPK, pikëpyetje për pasurinë dhe profesionalizmin e prokurores Daniela Sulaj

Prokurorja Daniela Sulaj, e komanduar si inspektore pranë Inspektoriatit të Lartë të Drejtësisë, u përball të premten më 23 korrik me Komisionin e Pavarur...

Gjykata i refuzon kërkesën për liri, Hashim Thaçi mbetet në paraburgim

Gjykata Speciale e Hagës ka marrë vendim që t’i refuzohet kërkesa ish-presidentit të Kosovës, Hashim Thaçit, që ky i fundit të mbrohet në liri. Edhe...

Koronavirusi, Manastirliu tregon numrin e të vaksinuarve në 24 orët e fundit

Ministrja e Shëndetësisë dhe Mbrojtjes Sociale, Ogerta Manastirliu ka publikuar shifrat e të vaksinuarve kundër koronavirusit në vend. Manastirliu bën me dije, se mbi 13...