E premte, 22 Janar, 2021
10 C
Tirana

A reduktohen më shpejt tek burrat sesa gratë antitrupat e Covid-19?

Në përpjekjen globale për të mposhtur pandeminë e Covid-19, vëmendja e ekspertëve është e përqendruar tek aftësitë e sistemit tonë imunitar për të gjeneruar antitrupa. Antitrupat janë një nga armët kryesore të trupit tonë kundër viruseve, të krijuara enkas për të njohur proteina specifike në sipërfaqen e një virusi, dhe për të nisur procese që në fund e neutralizojnë dhe vrasin virusin.

Një zbulim i papritur u raportua kohët e fundit nga një studim francez. Studimi ekzaminoi antitrupat e SARS-CoV-2 në gjakun e pjesëtarëve të një stafi spitalor, që kishin rezultuar pozitiv ndaj koronavirusin dhe që po shfaqnin simptoma të lehta.

Duke analizuar 2 mostra nga secili person, të marrë disa muaj larg njëra-tjetrës, ekspertët ishin në gjendje të përcaktonin se sa shpejt zbehen nivelet e antitrupave pas infeksionit, dhe cilët faktorë ndihmonin tek kjo rënie.

Studimi zbuloi se antitrupat që e njohin proteinën që gjendet në sipërfaqen e SARS-CoV-2, bien më shpejt tek burrat sesa tek gratë. Ndërsa këto nivele binin, po kështu ndodhte edhe me aftësinë e trupit për ta neutralizuar virusin.

Megjithëse studimi analizoi efektin e faktorëve moshë dhe indeksit të masës trupore (BMI), asnjë nga këto variabla nuk shoqëroheshin me një rënie më të shpejtë të antitrupave, apo të kishte lidhje me efektin që vërehej tek burrat. Studimi analizoi edhe antitrupat specifikë, siç janë proteina nukleokapsid të SARS-CoV-2.

Edhe këto u zhdukën nga gjaku me kalimin e kohës. Por ndryshe nga antitrupat e proteinave në formën e gozhdës që veshin nga jashtë koronavirusin, nuk kishte asnjë ndryshim në këtë rënie midis burrave dhe grave. A nënkuptojnë këto zbulime, se imuniteti ndaj mundësisë së ri-infektimit zhduket më shpejt tek burrat, dhe se gratë janë më të mbrojtura nga Covid-19 për një kohë më të gjatë?

Jo domosdoshmërisht. Një vëzhgim nga afër i të dhënave, zbuloi se në fund të studimit, nuk kishte asnjë ndryshim midis niveleve të antitrupave tek burrat dhe gratë. Shkalla më e shpejtë e rënies tek burrat, ndodhte pasi nivelet e tyre të antitrupave, nisnin në një pikë fillestare më të lartë.

Meqë nivelet e antitrupave tek burrat nuk kishin rënë më pak se ato tek gratë pas 6 muajsh, nuk ka asnjë tregues se ata janë më pak të mbrojtur. Gjithsesi, studimi në fjalë ngre disa pyetje intriguese. Ne e dimë tashme se të moshuarit, ata me një BMI më të lartë, dhe burrat janë më të rrezikuar nga simptomat e rënda të COVID-19, dhe se reagimet më të forta të antitrupave shihen tek pacientët që kanë pikërisht një formë më të rëndë të sëmundjes.

Lexo edhe :   Biden shpalos sot planin kundër koronavirusit

Në fakt, studimi francez raportoi se secila prej këtyre tipareve klinike ose biologjike, lidhej me nivele më të larta të antitrupave menjëherë pas infektimit, dhe kjo sugjeron që këta pacientë kanë vuajtur ndoshta nga forma më të rënda të Covid-19.

Lexo edhe :   Rritet numri i viktimave në Kosovë, 294 raste të reja me koronavirus

Po nëse nivelet më të larta të antitrupave ruhen për më gjatë tek ata që kanë pasur një infeksion më të rëndë, pse kjo nuk ndodh tek burrat në studimin francez? Antitrupat prodhohen nga qelizat imune, të quajtura qeliza plazma, që nga ana e tyre zhvillohen nga qelizat e njohur si limfocitet B.

Dhe ne e dimë se që të zgjasin reagimet e anti-trupave, është thelbësore që qelizat plazmatike të jenë në gjendje të qëndrojnë të gjalla për një kohë të gjatë, në një formë të veçantë të njohur si Qelizat Plazmatike me Jetë të Gjatë, ose LLPC.

Ne nuk i kuptojmë ende plotësisht faktorët që ndikojnë në jetëgjatësinë e LLPC. Ka të ngjarë që aty të përfshihen karakteristikat e vetë LLPC-ve, si dhe faktorët kontribues nga mjedisi i tyre. Këta faktorë mund të ndryshojnë midis burrave dhe grave.

Për shembull, gratë kanë më shumë limfocite B që prodhojnë antitrupa, dhe në përgjithësi prodhojnë më shumë antitrupa. Prandaj mund të ndodhë që gratë të kenë një përgjigje më të efektshme “të matur” ndaj SARS-CoV-2, ndërsa reagimi i meshkujve është më i paqëndrueshëm: në fillim joefektiv, pastaj ekstrem gjatë infeksionit akut të rëndë, por duke u zhdukur më shpejt pasi infeksioni është larguar.

Burimi i lajmit: https://theconversation.com/do-covid-19-antibodies-fade-more-quickly-in-men-than-women-150573

Përshtatur nga TIRANA TODAY

 

- Reklama -

Më shumë nga kategoria




Të fundit

Krizë totale, Liverpooli humbet ndaj modestëve të Anglisë

Liverpooli është në krizë totale! Ekipi i Jurgen Klopp u mposht në shtëpi nga modestët e Burnleyt me rezultatin 0-1 duke lënë 3 pikë...

Vrasja e Aleks Nikës, Balla: Predha u dëmtua qëllimisht me urdhër të Berishës

10 vite pas vrasjes së katër protestueve në vrasjen e 21 janari të vitit 2019, Policia e Tiranës ka kërkuar ditën e sotme rifillimin...

Gazetarët po rrezikohen nga gjuha e partive politike

Një sondazh i bërë për zgjedhjet e parakohshme parlamentare nga RTV Dukagjini ka nxitur dy partitë politike, Lidhjen Demokratike të Kosovës dhe Partinë Demokratike...

Deputeti i PS: Isha 2 m larg Aleks Nikës në 21 janar, e pashë se kush e vrau

Deputeti i Partisë Socialiste, Alket Hyseni ka bërë një deklaratë të fortë, ku është shprehur se ka qenë shumë afër me Aleks Veizin në...

Sondazhi/ PS do të fitonte zgjedhjet nëse do të mbaheshin sot

Nëse zgjedhjet parlamentare të 25 prillit do të zhvilloheshin sot, një sondazh i Euronews Albania në bashkëpunim me kompaninë prestigjioze MRB, zbuloi se 41.8...