Kreu i grupit parlamentar të PS-së, Taulant Balla, është shprehur i bindur se vendi nuk do të shkojë në zgjedhje të parakohshme. Në një deklaratë për mediat, Balla tha se Partia Socialiste po kryen zgjedhje brenda vetes duke respektuar statutin e brendshëm.
“Ne kemi një kalendar politik, të cilin do ta respektojmë, nuk ka fushatë zgjedhore. Zgjedhjet brenda partisë janë të njëjta si ato që u mbajtën në vitin 2015”, deklaroi ai.
Sa i përket Reformës Zgjedhore, ai tha se do të mbyllet para Krishtlindjeve. Kujtojmë se edhe kryeministri Edi Rama e ka mohuar mundësinë e zgjedhjeve të parakohshme, duke u shprehur se do ta cojë deri në fund mandatin e besimit që ka marrë nga shqiptarët.
