Zv. Kryetari i LSI-së Luan Rama në emisionin “Të Paekspozuarit” u përgjigj rreth pyetjes: “A po e kërkon kryeministri “kokën” e Metës?”
“Deklaratat e socialistëve dhe vetë Ramës se opozitarët, përfshi këtu edhe vetë Presidentin Meta, paskan frikë nga Reforma në Drejtësi, lidhet me faktin se qeveria e di shumë mirë se trupa e re e drejtësisë do vendosë siç ata thonë”, tha Luan Rama.
Ky i fundit theksoi se Shqipëria po jeton tashmë nën regjim dhe se njeriu i fundit që nuk është kapur prej tij, është Presidenti Meta: “Ata e dinë se trupat e reja të sistemit të drejtësisë do vendosin siç thotë këta. Nuk po shkojmë drejt një regjimi, ne jemi brenda një regjimi. E vetmja gjë që ka mbetur pa marrë është Presidenti i Republikës”.
