Në puntatën e djeshme në emisionin “Për’Puthen’, pati një prurje të re. Vajza e cila quhet Melisa, shkaktoi jo pak debate në studio. E gjitha nisi gjatë bisedës që ajo pati me Elvisin, ku e cilësoi si jo burrëror për shkak të mohimit të takimit me Shqipen.
Pjesë nga debati:
Melisa: Me Elvisin nuk do dal kurrë, nuk e përshëndeta, ndoshta u tregova shumë e pasjellshme. Nuk më pëlqejnë personat që nuk janë burrëror.
Elvisi: Ku është rënia e burrërisë?
Melisa: Ku mohove takimin e Shqipes. Unë shoh Elvisin, si publik kam parë vajzat dhe djemtë. Shqipja përveç rastit të fundit që u skandalizua pak, nuk ishte hera e parë që dilte nga vetja. Po ti si unë dhe të gjithë tjerët e kemi parë ‘PërPuthen’, ty që të skandalizoi si karakter, e kishe parë më para.
Elvisi: Nuk është burrëri, por të kesh standarde për veten. Unë gjëra të tilla nuk i pranoj.
Duke marrë shkas nga kjo bisedë, menjëherë ndërhyri Ajrani, ku kërkoi që vajza të vishej, pasi ishte disi e zhveshur për shkak të një interpretimi live në kërcim. E më pas shtoi se Shqipe Hysenaj është përjashtuar se ka shkelur të drejtat e njeriut, dhe jo për ‘shpërthimet’ e bëra në emision.
“A mund të veshë fund kjo vajza? Ti nuk ke kuptuar gjë. Shqipja nuk është penalizuar për ofendimet dhe ngritjet së zërit. Shqipja është penalizuar për shkak të shkeljeve të të drejtave të njeriut. Të drejtat e njeriut thonë; të gjithë njerëzit lindin të barabartë”, tha Ajrani.
