Ish-ministri i Drejtësisë, Ylli Manjani u shpreh se presidenti i Republikës nuk mban përgjegjësi për aktet që nxjerr në ushtrimin e detyrës, ndërsa shtoi që nuk mund të shkarkohet a të burgoset vetëm për faktin që ka miratuar një dekret.
Teksa ishte i ftuar në emisionin “Tempora”, Manjani theksoi se kushtetutshmëria e akteve të Metës nuk e gjykon dot Parlamenti dhe as publiku, por Gjykata Kushtetuese.
“Roli i Ilir Metës duhet parë në 2 plane. Në rolin e kryetarit të shtetit. Sigurisht është një rol që nuk ka shumë për të diskutuar. Mendoj se ka qenë korrekt në gjykimet e tij në raport me kushtetutën. Fundi i historisë është kjo që kushtetutshmërinë e akteve të presidentit nuk e gjykon dot parlamenti dhe as publiku, por kushtetuesja. Shumë pak referohemi tek ligjet. Presidenti nuk mban përgjegjësi për aktet që nxjerr në ushtrimin e detyrës. Kur presidenti nxjerr një dekret nuk mban përgjegjësi për përmbajtjen e dekretit. Nuk futet në burg dhe nuk shkarkohet për dekretin”, deklaroi Manjani.
