Shumë biznese vijojnë të qëndrojnë të mbyllura. Në komunikimin që pati në rrjetet sociale me qytetarët, kryeministri Rama iu përgjigj pyetjeve të tyre.
Një qytetar e ka pyetur kryeministrin Rama nëse mund ta hapë kafenenë e vogël që disponon, por me dyer të mbyllura.
Pronari i një bar-kafeje të vogël i tha kryeministrit se ishte i gatshëm të ndiqte të gjitha protokollet e të merrte të gjitha masat higjieno-sanitare. Por Rama u tregua mjaft i prerë, duke i konfirmuar se nuk është e mundur.
“E di, por ekspertët thonë që janë vatër e jashtëzakonshme infeksioni. Po shohim të gjitha opsionet, por duhet dhe pak durim”, u shpreh Rama.
