Intervistoi: Marsela Sinani
Pas tërmetit të 26 nëntorit ku humbën jetën 51 persona, shumë thashetheme u ngritën mbi të ashtuquajturën “Kanali i Kuçedrës”, e madje duke dyshuar se ishte shkaku i lëkundjeve në vend.
“Kanali i Kuçedrës” ndodhet në mes të Gjirit të Lalzit, në distancë të barabartë nga Kepi i Rodonit. Thuhet se kanali është mbushur me mijëra kubikë beton, duke u bllokuar totalisht dhe energjia nëntokësore nuk ka ku të shkarkohet.
Kjo mendohet të jetë një nga arsyet, se përse kjo zonë është shumë e prekur nga tërmetet, pasi gazrat duhet të dalin diku. Të interesuar mbi këtë dukuri, dhe për të marrë një informacion duke qenë se paniku nga ana e qytetarëve është ende i madh, “Tirana Today” ka intervistuar sizmologun Llambro Duni.
Sizmologu Duni dha disa këshilla bazike për mikrofonin e “Tirana Today”. Për të mësuar se çfarë duhet bërë në fillim, gjatë dhe pas lëkundjeve sizmike, e për të mos qenë të papërgatitur. Ndonëse një fenomen i tillë është i pamundur të parashikohet apo parandalohet, mënyrat se si mund të shmangësh një rrezik të tillë ekzistojnë.
51 të vdekur e qindra të plagosur është bilanci tragjik i tërmetit të 26 nëntorit. Ky tërmet shkaktoi dëme të konsiderueshme materiale, e për këtë kryeministri Rama ka ngritur Komitetin e Rindërtimit.
TIRANA TODAY
