A do vazhdojë vaksinimi me AstraZeneca-n? Rakacolli zbulon vendimin e Komitetit

Disa shtete europiane kanë pezulluar përdorimin e vaksinës anti-covid të prodhuar nga kompania Astrazeneca, për shkak se ka patur efekte anësore te disa pacientë, si mpikja e gjakut dhe trompoza.

Lidhur me këtë çështje, Komuniteti Kombëtar i Imunizimit dhe Vaksinimit është mbledhur këtë mbrëmje për të diskutuar mbi procesin  në vendin tonë, pasi aktualisht mësuesit po vaksinohen me vaksinën e AstraZeneca.

Zëvendës ministrja e Shëndetësisë Mira Rakacolli tregoi sot në “Open” se në fund të mbledhjes Komiteti i Imunizimit ka vendosur që të vazhdojë vaksinimi kundër koronavirusit me AstraZeneca.

Mira Rakacolli: Ky është vendimi i ekspertëve për ata që merren me vaksinën, komiteti duke parë situatën, ka vendosur që të vazhdojë. Përderisa OBSH dhe EMA thonë se benefitet janë më të mëdha se rreziqet, është vendosur të vazhdohet vaksinimi me AstraZeneca.