Ministrja e Shëndetësisë, Ogerta Manastirliu është shprehur se përderisa nuk ka asnjë rast infektimi në Shqipëri, nuk do të mbyllen kufijtë me Italinë.
Ajo sqaroi se sipas shkallës së rrezikshmërisë do të merren edhe masat përkatëse. E pyetur nga gazetarët nëse do ketë një mbyllje të shkollave, Manastirliu mbajti të njëjtin qëndrim duke theksuar se ende nuk është momenti.
“Masat që do të marrim do të jenë orientuar nga qëllimi madhor për të mbrojtur shëndetin e qytetarëve. OBSH rekomandon të vlerësohet mundësia hap pas hapi bazuar në shkallën e riskut, por mbyllja e kufijve realizohet kur paraqiten raste, kur kemi situatë të epidemisë me përhapje të gjerë, kur edhe në këto raste nuk vendosen masa agresive kombëtare, por izolohet lokalisht rasti gjurmohet kontakti dhe vendosen masa. Do të përgjigjemi sipas situatës dhe shkallës së riskut. Vendimet do të merren hap pas hapi me qëllim mbrojtjen e qytetarëve shqiptarë”, tha ministrja.
