Aktualitet

A do të ketë tërmet më të fortë? Ja çfarë thotë sizmologu Rrapo Ormeni


               Publikuar në : 15:57 - 29/01/20 M S

Tërmeti i së martës me magnitudë 4.9 të shkallës Rihter që goditi vendin tonë, dëshmon se ka ende energji të akumuluar në zonë. Duke iu referuar sizmologut Rrapo Ormeni, pas 40 vitesh qetësi, tashmë vendi ynë ka hyrë në një periudhë me aktivitet të ngjeshur sizmik, e cila zgjat disa vite, raporton “Klan”. Tërmeti 4.9 i shkallës Rihter, me epiqendër 3 kilometra larg fshatit Bubq, shkaktoi jo pak frikë tek qytetarët, të cilët qëndruan për disa orë jashtë banesave të tyre.

Por ekspertët thonë se banorët e kryeqytetit nuk duhet të frikësohen, pasi në Tiranë lëkundjet vijnë me një shkallë e gjysmë më pak se sa është në epiqendër. Sipas tyre, banorët duhet të dalin nga banesa vetëm pasi janë shuar lëkundjet, sepse pasgoditja mund të jetë më e madhe se ngjarja kryesore.

Tërmeti i fundit me magnitudë 4.9 i shkallës Rihter, ka ngritur pikëpyetjet për të ardhmen. Ai u parapri nga i orëve të para të mëngjesit dhe nga një sërë ngjarjesh sizmike në rajon si ato në Turqi dhe Greqi. Kaq mjaftoi që të shtohej frika për tërmete pasuese.


Kthehu
WhatsApp Denonco ne TT