Xhelal Mziu, pasi takimit që zhvilloi ditën e sotme me liderin demokrat, Lulzim Basha ka deklaruar se nuk do ta lirojë zyrën e kreut të Bashkisë Kamzës.
Sipas tij, ky është një vendim personal. Ndërsa kujtojmë se qëndrimin e tij për të mos e liruar karrigen e ka shprehur edhe ditën kur po mbaheshin zgjedhjet vendore.
“Nuk e lë zyrën, është vendimi im personal”, theksoi Mziu.
Drejtimin e kësaj bashkie pritet ta marrë kandidati socialist për zgjedhjet e 30 qershorit, Rakip Suli, i cili kandidoi i vetëm.
