Buxheti i vitit 2023 është një ndër projektligjet për të cilat po diskutohet në seancën plenare. Në foltoren e Kuvendit, kryeministri Rama ka dhënë në mënyrë të përmbledhur atë që parashikon ky projektligj. Rama ka theksuar se thelbësorja në buxhetin e vitit 2023 është mbrojtja e qytetarëve dhe shtresave në nevojë, ku 50 miliardë dollarë parashikohen të shkojnë për të mbrojtur njerëzit nga goditja ekonomike që ka sjellë lufta e Rusisë në Ukrainë. Gjatë fjalës që ishte duke mbajtur kryeministri Rama në foltore, ka qenë deputeti i Partisë Demokratike Evin Salianji ai që e ka kundërshtuar.
Rama e cilësoi deputetin demokrat Ervin Salianji si bedel, ndërsa i tha se sot është në ditë të keqe e mirëkupton, kjo për shkak se sot zhvillohet seanca në gjykatë e Salianjit për çështjen Babale.
“Bedel pasionat, si miza në të ndenjurat e kalit që kujton se tërheq karrocën dhe me atë ide ti qëndron në të ndenjurat e kalit, duke tundur flatrat e një mize të bezdisshme”, tha Rama.
“Bedel je vetë”, tha Salianji.
“Rri aty se ke edhe ditë të vështirë sot. Kujdes me fjalorin se je afër dhe mos ngatërro jashtë daljen e organizmit”, tha Rama.
“C’a je duke fol”, tha Salianji.
