Territori shqiptar në orët e para të ditës do të jetë në dominimin e kthjellimeve në pothuajse gjithë vendin, por në zonat malore do të ketë herë pas here kalime të pakta vranësirash.
Sipas MeteoAlb, pas mesdite pritet që vranësirat e lehta të shfaqen në zonën e ulët dhe në një pjesë të mirë të bregdetit.
Temperaturat e ajrit do të vijojnë të rriten në mëngjes dhe në mesditë, duke luhatur vlerat ditore nga 14 gradë Celsius deri në 34 gradë Celsius.
Era do të fryjë e lehtë dhe mesatare me shpejtësi 35 km/h nga drejtimi veriperëndimor, duke krijuar në det dallgëzim 2 ballë.
