Ministrja Spiropali ka patur një përplasje me deputetët e PD-së, për shkak se akuzojnë Ramën se ka favorizuar bashkëshortin e ministres Olta Xhaçka, duke i dhënë statusin e investitorit strategjik. Ministrja e Shtetit për Marrëdhëniet me Parlamentin është përfshirë në një debat të ashpër, madje degradoi më tej.
Gjatë fjalës së Spiropalit në Kuvend, deputetët e PD kanë ndërhyrë nga vendi, duke folur pa mikrofon. Ky gjest e ka nervozuar ministren. Por situata ka agravuar më tej kur një prej deputetëve demokratë, ministrja i tha të pushojë, pasi “ai është i pari kalë karroce”.
“Na përmend ne turpin. Ka turp më të madh sesa lukunia juaj që janë bërë bashkë aty, për të mbrojtur një njeri nga krimet e vjedhjet që ka bërë dhe dilni në këtë Kuvend dhe merreni me çdo investitor.
Nuk është turp që ju…pusho ti pusho, se ti je i pari kalë karroce. A nuk është turp zotëri që ju abuzoni me interpelancat në Kuvendin e Shqipërisë. Një tufë burrash që bërtasin nga vendi, sa turp i madh, ul zërin ti”, thotë Spiropali.
