Gazetarët nga Kosova kanë “masakruar” ish-kryeministrin Berisha, teksa i kanë kujtuar vrasjet e “21 Janarit” e “Gërdecit”. Gazetari Imer Mushkolaj, në një emision në “Tv Dukagjini” ka hedhur akuza të rënda ndaj ish-kryeministrit, si një prej përgjegjësve për vrasjet e ndodhura gjatë protestës së “21 Janarit”.
Tejet i irrituar, ish-kryeministri Berisha i ka konsideruar si provokim nga Novi Sadi. “Ju e keni përgjegjësinë për vrasjen e njerëzve të pafajshëm. Ke vrarë njerëz në bulevard, kjo është njolla e juaj e zezë pas piramidave vratë njerëz në bulevard në Tiranë, dhe pas Gërdecit. Nuk e përfundoj dot me gënjeshtrat që po thotë”, tha ai.
Por ndaj tij ka reaguar Berisha, duke thënë: “Ti ke sjellë një provokator nga Novi Sadi, aty i cili gënjen në mënyrë të pafytyrshme. Cila ishte paqësore, kush e ka thënë paqësore protestën e 21 janarit përveç atij të pafytyri aty. Përveç Beogradit, kush e ka thënë”. Por gazetari i është përgjigjur: “Beogradit që keni bashkëpunuar ti kur ishe President, që e keni furnizuar me naftë. Është e dhimbshme dhe e turpshme”.
Berisha iu përgjigj: “E cila është përgjegjësia ime atë… Unë kam qëndruar në zyrë, i vendosur deri në fund. Por ti që i thuaj protestë paqësore asaj ku u hodhën plumba në dritaren e kryeministrit, ti nuk ke minimumin e integritetit njerëzor. Je një skllav i atyre që të japin formula për të shpërndarë nëpër studio”.
Ndërsa gazetari ka vijuar: “Lëri pallavrat o zotëri, lëri gënjeshtrat. Cila është përgjegjësia juaj për vrasjet zotëri?! Këtë na sqaro. Nëse unë jam skllav, ti je vrasës! Vrasësi i më shumë se 20 vetëve në Gërdec, djegës i Shqipërisë në 97-ës. Antiamerikani ndër të fundit dhe tani shet moral. Ti ke shumë mëkate zotëri që prej 97-ës e tutje. Keni përgjegjësi politike se ju dalin të zeza të tjera, ju dalin të zhdukurit. Si puna e Remzi Hoxhës. Dëgjomë dhe diçka. Fati juaj personal nuk është fati i shqiptarëve dhe i Shqipërisë. Mos provoni ta digjni dhe njëherë Shqipërinë për veten dhe familjen”.
Ndërsa ish-kryeministri reagoi: “Aleksandër Vuçiç punon nga mëngjesi në darkë kundër Sali Berishës. Axhenda jonë e re do i japë fund kësaj”.
Gazetarja investigative nga Kosova, Arbana Xharra ka reaguar pas akuzave të ish-kryeministrit Sali Berisha se Basha po përdor grupe myslimane për të mbrojtur selinë. Me anë të një postimi në rrjetet sociale, Xharra shkruan se Berisha u ka dhënë pasaporta shqiptare pjesëtarëve të Al Qaeda-s, dhe sot flet për terroristë myslimanë.
Statusi
Pse nuk i besoj deklarates se Sali Berishes? Po ta kishte hallin e terroristeve, Berisha shume kohe me pare do te kishte ngritur kete shqetesim, kur shqiptaret iu bashkuan Shtetit Islamik. Duhet rikujtuar se Berisha ka flirtuar me keto grupe, madje u ka dhene edhe pasaporta shqiptare pjestareve te Al Qaida-s. Radikale kemi, jo vetem ne Kosove dhe Maqedoni por grupe te tilla radikale ka plote edhe ne Shqiperi. Radikalizmi vjen nga ligjeratat qe mbjellin jotolerance. Ka ende plote imame qe vazhdojne te ushtrojne kete mosdurim. Ne Maqedoni gjendja eshte me e rende ngase atje ne kete drejtim mungon qellimisht shteti.
Shume politikane shqiptare i instrumentalizojnë keto grupe per arsye votash e pushteti. Gje qe herdokur do tju dal bumerang. Protestat jane instrument legjitim. Mirepo dhuna eshte mjeti qe duhet refuzuar. Berisha ne kete moshe tashme nuk duhet te ve ne rrezik sigurine, partine dhe shtetin per shkaqe personale. Ai duhet ta bej luften e shpelarjes me SHBA -te dhe po ia doli te rehabilitohet do te ishte maksimalja. Tjerat besoj se e degradojne edhe me shume personalitetin e tij!
