Familjarët e 8-vjeçarit të vrarë nga Klodian Çalamani, kanë dyshime të forta se vrasja është kryer në bashkëpunim. Tezja e 8-vjeçarit të vrarë në mënyrë makabre, aludon se personi i dytë që përfshihet në këtë ngjarje, mund të jetë edhe brenda familjes së motrës. “Po i lajmë faqet me lot. Po dëgjoj shumë gjëra në media. Kush e pa Meteon që shkoi bleu bukën? Kush e dëgjoi Mateon duke i thënë; përse ma ngacmon mamin? Nga dolën të gjitha këto? Po pikëllohemi akoma më shumë. Ekspertiza të kryhet, t’u merret edhe fija e flokut”, është shprehur ajo në emisionin “Me Zemër të Hapur”. Tezja e Mateos së vogël, i cili u vra barbarisht nga fqinji i tij në Greçalli të Fierit, ka bërë deklarata të forta. Sipas saj, Mateo ka parë diçka që nuk duhej ta shihte, ndaj edhe është vrarë.
Duhet të jetë një grua në moshë që ndoshta e ka nxitur?
Patjetër që do të ketë brenda.
Çfarë mund të bënte një grua e moshuar?
Nuk ka vrasje pa një shoqërues.
Janë vetëm dyshime apo dini diçka më shumë?
Unë nuk di më shumë. Që kur kam dëgjuar mbrëmë që ka folur se nepërkën e ka brenda në shtëpi.
Ka pasur motra juaj probleme në familje?
Familja e motrës ka pasur problematikë gjithë kohës. S’mund t’i diskutoj të gjitha, por ka pasur shumë. Për ngjarjen e 2006-ës, ajo vajzë ka dalë nudo jashtë në rrugë dhe ka nxjerrë shkumë nga goja. Unë mendoj se nuk ka arsye që ai të vriste Mateon për arsye të xhaxhait. Djali ka qenë dhe herë të tjera në shtëpinë e tij, dhe ai s’ka pasur arsye ta vriste. Djali ka parë diçka që nuk duhet ta shihte. Mateo ishte një djalë i zgjuar, i shkathët. Motrën time e ka marrë vjehrra në telefon dhe i ka thënë; çuni ka humbur, nuk po e gjejmë dot. Dua të di se kush ishte ai person që tha; e kam vëllain të sëmur, dua të iki në shtëpi. Nga po dalin këto fakte? Ai djalë u vra, kush i tregoi.
Pse gjithë ky mllef i autorit ndaj Mateos?
Nuk e di. Kemi të gjithë dyshime.
Nga frika e një sulmi në burgun e Fierit, Klodian Çalamani ndodhet në qelinë e izolimit në paraburgimin e Vlorës. Pas trazirave në Fier, Çalamanit iu dha masa “arrest me burg” në mungesë, pasi të afërmit e 8-vjeçarit mësyn në Gjykatën e Fierit. Pas vrasjes makabre të 8-vjeçarit Mateo Vasiu më 16 nëntor nga Klodian Çalamani, e cili e goditi dy herë më kazmë pas koke dhe e groposi në shtëpinë e tij, qytetarët e revoltuar kanë nisur fimosjen e një peticioni në të gjithë qytetin, ku kërkojnë rikthimin e dënimit me varje.
