Aktorja e njohur turke, Semra Dinçer, ka humbur betejën me kancerin në mushkëri në moshën 56-vjeçare. Dinçer u bë e njohur për publikun shqiptar me interpretimin e saj në serialin ‘Kuzey Güney’.
Ngushëllimet për ndarjen nga jeta të aktores kanë shprehur emra të shquar të botës së artit, fansa dhe miq. Në deklaratën e bërë nga Sindikata e Aktorëve thuhet: “Jemi të pikëlluar për humbjen e anëtares sonë, koleges sonë të nderuar Semra Dinçer. I urojmë durim të gjithë fansave të saj, veçanërisht familjes së saj. Jemi shumë të pikëlluar. Ngushëllimet tona”.
