Gjermania e ka hequr nga “lista e kuqe” e Covid-19 Kosovën. Nga nesër, qytetarët e Kosovës do ta kenë më të lehtë udhëtimin për në Gjermani. Qeveria gjermane ka marrë vendimin për të larguar Kosovën nga lista e kuqe, e cila përbëhet nga vende që kanë shkallë të lartë të infektimit me koronavirus.
Në njoftimin e Ambasadës së Gjermanisë në Kosovë, bëhet e ditur se ky ndryshim do të nisë nga data 24 tetor.
“Ndryshimet e fundit: Heqja e Kosovës si zonë me rrezik të lartë nga 24 tetor 2021″, thuhet në njoftim.
Gjermania kishte futur Kosovën në listën e shteteve me rrezik të lartë më 22 gusht të këtij viti, pas rritjes së numrit të rasteve pozitive me koronavirus.
