Ish-ministri i Drejtësisë, Ylli Manjani, teksa analizon situatën brenda së djathtës, thotë se aty brenda ka ‘aktorë’ ku në kafene nuk lenë gjë pa thënë për kryetarin e tyre, por publikisht shprehin të kundërtën.
Po këta personazhe që nuk kanë guxim të thonë të vërtetën ballë për ballë, thurin lëvdata për ish-kryeministrin Berisha, se “Foltorja” e tij është gjigande.
Përmes “Foltores” së tij qytet më qytet, Berisha u kërkon ndjesë demokratëve se ka përgjegjësinë e tij që solli në PD, Lulzim Bashën.
Ish-kryeministri nuk e besonte kurrë që do të përjashtohej nga PD-ja, nga personi që e solli vetë dhe e vendosi po vetë në krye të partisë që themeloi. Manjani duket se është lodhur nga taktikat e dëshpëruara të demokratëve, që nuk kanë guxim të thonë të vërtetën.
Statusi
Janë disa kryetarokratë, që në kafene nuk lenë gjë pa thënë për kryetarin e tyre. Ata madje thonë se “nuk mbahet më ky humbës kryetar”. Vijojnë me tej “Berisha është burrë. Foltorja e tij është gjigande”…. Etj, etj, etj…
Mirëpo publikisht thonë krejt të kundërtën..!!
Jam i sigurtë se sapo të fillojë largimi i kryetarit që mbrojnë në publik, do jenë po këta që do flasin me gjuhen e sotme të kafenesë…
Hajt më!
Politikë hesapi…
