Deputetja Albana Vokshi ka shprehur qëndrimin e tij, pas vendimit të Lulzim Bashës për shkarkimin e Flamur Nokës nga posti i nënkryetarit të Komisionit të Sigurisë dhe paralajmërimit për përjashtimin e tij nga partia.
Vokshi përmes këtij postimi, duket se ka ngritur në pikëpyetje ‘jetëgjatësinë’ e saj në Partinë Demokratike, nisur nga zhvillimet e fundit.
Vokshi thekson se lidhja me demokracinë, është shumë e fortë. Pasi i doli hapur kundër, Lulzim Basha shkarkoi dje Flamur Nokën nga pozicioni i nënkryetarit të Komisionit të Sigurisë dhe madje ka shkuar më tej, duke e paralajmëruar se do ta përjashtojë edhe nga Grupi Parlamentar.
Statusi
Liria dhe demokracia e brendshme janë oksigjeni që mund të mbajnë në jetë PD-në. Memeceria, bindja e verbër dhe futja në rrjesht janë asfiksim që e çon PD-në në një vdekje pa zhurmë por të sigurt.
