Zhvillimet brenda PD-së janë komentuar në emisionin “Opinion” mbrëmjen e djeshme. Debati mori një tjetër rrjedhë, kur i ftuari Preç Zogaj nuk i përgjigjej drejtëpërdrejtë pyetjes së moderatorit Blendi Fevziu. Kaq mjaftoi që ky i fundit të ngrente zërin, duke i rikujtuar pyetjen.
Zogaj po komentonte përplasjet mes kryedemokratit Lulzim Basha dhe ish-kryeministrit Sali Berisha, por pa iu përgjigjur pyetjeve të Fevziut. Ky i fundit ngriti zërin duke thënë se ishte ai që bënte pyetjet, dhe duhej të merrte përgjigje për çështjen që po flisnin. Nga ana tjetër, Zogaj tha se moderatori nuk po e linte të fliste, ndaj preferonte të mos komentonte më.
Pjesë nga biseda:
Blendi Fevziu: Preç a mund të të pyes..o Preç…o Preç atë të pyes, po shkon në drejtim të kundër të asaj që po flasim….të bëra pyetje tjetër. Çështja është
Preç Zogaj: E bëre pyetjen tani të biem dakort….
Blendi Fevziu: Ramë dakort Preç, tani më thuaj si duhet të ishte më e mira, Basha mori vendimin dhe më duhet të di si mendon. A duhet ta merrte vetëm apo ta hidhte me votim. Preç më jep mendimin tënd? Ti si do e merrje?
Preç Zogaj: Unë mendoj se një vendim i tillë siç e ka marrë Basha…
Blendi Fevziu: Po pra po…
Preç Zogaj: Tani mbi këtë bazë, Berisha ka nisur një lëvizje
Blendi Fevziu: Mbetemi këtu vetëm një moment
Preç Zogaj: Lëvizja është shpaguese. Analiza…
Blendi Fevziu: Preç të bëra pyetje tjetër. Përse bën sikur nuk kupton për çfarë të pyes?! Basha a duhet ta merrte vendimin vetë, apo duhet ta hidhte në votim? Çfarë do ta pengonte Bashën të thoshte unë jam kryetar i partisë. Po qe se ju votoni që Berisha të qëndrojë, të largohem unë.
Preç Zogaj: Nuk është kjo pyetja.
Blendi Fevziu: Pyetjen e bëj unë, jo ti. Jepi përgjigje pyetjes time. O Preç ke 15 minuta që nuk më kthen përgjigje.
Preç: Zogaj: Po s’të le ti. Këtu është çështje shumë serioze. Këta duan ta zvogëlojnë.
Blendi Fevziu: Preç do t’i marrim një nga një.
