Ushtria serbe e cila gjendej në afërsi të Jarinjes në Rudnicë, është tërhequr nga aty dhe është zhvendosur në Rashkë. Edhe ditën e djeshme, ushtria serbe nuk ka qenë e pranishme në afërsi të kufirit me Kosovën. Këtë mëngjes, helikopteri i KFOR-it ka fluturuar mbi Jarinje, teksa policia e Kosovës e bën ndërrimin në orën 12:00.
Prej 20 marsit, serbët në veri të Kosovës bllokuan dy vendkalimet kufitare që ndodhen në këtë zonë – Jarinjen dhe Bërnjakun – për shkak të vendimit të Qeverisë së Kosovës për masa reciprociteti ndaj automjeteve me targa të Serbisë.
Me këtë vendim, të gjitha automjetet nga Serbia që hyjnë në Kosovë, duhet të pajisen me targa të përkohshme. Për të monitoruar procesin, në kufijtë në veri u vendos edhe njësia speciale e Policisë së Kosovës.
