Një 29-vjeçar ka mbajtur peng përgjegjësin e Zyrës Arsimore Bulqizë, me qëllim që t’i rikthente familjarët e tij në vendet e punës. Nga ana e policisë është arrestuar në flagrancë shtetasi me inicialet A. K., 29 vjeç, banues në Shupenzë. Shtetasi me inicialet K. K., 52 vjeç, me detyrë përgjegjës i Zyrës Arsimore Bulqizë, ka bërë kallëzim se 29-vjeçari e ka kanosur dhe e ka mbajtur në automjet pa dëshirën e tij, për ti rikthyer familjarët e tij në vendet e punës.
“Nga specialistët për Hetimin e Krimit në Komisariatin e Policisë Bulqizë u arrestua në flagrancë shtetasi: A. K., 29 vjeç, banues në Shupenzë, pasi shtetasi K. K., 52 vjeç, me detyrë përgjegjës i Zyrës Arsimore Bulqizë, ka bërë kallëzim se 29-vjeçari e ka kanosur dhe e ka mbajtur në automjet, pa dëshirën e tij, me qëllim që t’i rikthente familjarët e tij në vendet e punës.
Materialet procedurale i kaluan Prokurorisë pranë Gjykatës së Shkallës së Parë Dibër, për veprat penale “Kanosja” dhe “Rrëmbimi ose mbajtja peng e personit në rrethana lehtësuese”.
