Autori i plagosjes së studentes Kostandina Zanaj në Vlorë, shtetasi Fadil Likaj është lënë në “arrest me burg”. Ai mbërriti paraditen e sotme, nën masa të rrepta sigurie në Gjykatë.
Tre ditë më parë, pas një konflikti në lokal, 30-vjeçari Likaj nga Shkodra nxori armën dhe plagosi studenten 20-vjeçare nga Berati. Ai përdori granatë dhe armë.
E reja doli jashtë lokalit me vrap për të kërkuar ndihmë, ndërsa 30-vjeçari iku me shpejtësi, por u neutralizua nga qytetarët.
30-vjeçari nga Shkodra, Fadil Likaj i kishte kërkuar takim 20-vjeçares në një lokal në lagjen “28 Nëntori” në Vlorë, pasi nuk pranonte të ndahej dhe donte që të sqaroheshin. Për sqarimin i riu kishte marrë me vete edhe një pistoletë dhe dy granata dore, të cilat nuk ka nguruar që t’i përdorte kur e pa se gjërat nuk po shkonin ashtu siç i mendonte.
Po si ndodhi ngjarja? Pas një sherri me 20-vjeçaren Kostandina Zanaj, të renë e ka tërhequr zvarrë nga lokali dhe e ka nxjerrë jashtë ku e ka qëlluar me armë zjarri në këmbë.
