Që të shkosh në një tualet në Holandë, duket të përdorësh kod që vërteton se je i vaksinuar, negativ ose i shëruar nga Covid. Këtë detaj e ka bërë me dije të hënën ministri i Shëndetësisë. Holanda javën e kaluar lehtësoi kufizimet e koronavirusit, duke përfshirë fundin e distancës sociale, por tha se do të prezantonte lejen e re për bare, restorante dhe festivale.
Masa e re që fillon të shtunën, u miratua nga Parlamenti, por deputetët bënë një përjashtim për ata që duan të shijojnë një vakt ose pije jashtë, duke thënë se mundësia e infektimit ishte shumë më e vogël.
Por “nëse doni të përdorni tualetin, do t’ju duhet të tregoni kodin tuaj QR,” ka thënë Ministri i Shëndetësisë, Hugo de Jonge.
De Jonge pranoi se ishte e padobishme, por “ne jemi të lidhur me vendimet e Parlamentit”, u shpreh ai. Javën e kaluar, kryeministri holandez Mark Rutte tha se nuk ishte e mençur të bënte një përjashtim për klientët që uleshin jashtë, pasi njerëzit në mënyrë të pashmangshme do të duhet të hyjnë për të paguar faturat, ose të shkojnë në tualet.
“Gjithashtu mund të fillojë të bjerë shi dhe pastaj të gjithë duan të hyjnë brenda”, tha Rutte.
“Qeveria donte kodin QR kudo në sektorin e mikpritjes,” tha zëdhënësja e Ministrisë së Shëndetësisë, Rinske Wieman për AFP.
“Kjo nuk është për të mashtruar njerëzit, por sepse njerëzit duan më shumë liri nga kufizimet. Fatkeqësisht, këto liri nuk janë pa kufij”, tha ajo.
Burimi i lajmit: medicalxpress. Përshtatur nga Tirana Today
