Lindita Nikolla ka reaguar për herë të parë, pasi kryeministri Edi Rama e zgjodhi në krye të Kuvendit të Shqipërisë. Në një prononcim për mediat nga Pallati i Kongreseve, Nikolla u shpreh se do të punojë për të krijuar klimë pozitive, dhe hapësira për opozitën në Kuvend. “Do punoj me përkushtim për respektimin e rregullores, për krijimin e një klime pozitive në Parlament, për krijimin e hapësirave për opozitën. E mbushur me përgjegjshmëri për të përmbushur pritshmëritë e kryetarit të PS për zgjedhjen time”.
Ja se çfarë tha më herët Rama për Lindita Nikollën:
“Lindita Nikolla që besoj se ka jo vetëm gjithë mbështetjen e kësaj Asambleje, por edhe të gjithë anëtarëve dhe simpatizantëve të PS, për të marrë stafetën e Gramozit, në krye të Kuvendit të Shqipërisë si një grua me një kontribut dhe përvojë të gjatë në familjen tonë politike.
Si një shembull i padyshimtë i përkushtimit dhe pandershmërisë në kryerjen e çdo detyre, si një shoqe e mirë e të gjithëve ne, dhe si një politikane karriere, që është karakterizuar nga dëshira për dialog të edukuar me të tjerët. Do të jetë dhe anëtare e Kryesisë së PS. Së bashku me 12 drejtuesit, kryetarë qarqesh, do të përbëhet nga 33 anëtarë”.
