Një vatër e madhe zjarri është shfaqur në Bashkinë Gjirokastër, në Njësinë Administrative Lunxhëri-Antigone. Si pasojë e erës, situata është agravuar dhe zjarri është pranë banesave.
Ministri i Mbrojtjes, Niko Peleshi, iu bën thirrje banorëve që të jenë bashkëpunues me strukturat shtetërore, dhe të zbatojnë urdhrin e evakuimit. Ai bën me dije se aktualisht në vendngjarje po punojne strukturat e mbrojtjes civile, dhe se në mbeshtetje kanë shkuar edhe Forcat e Armatosura.
Në Lunxhëri janë djegur rreth 40 ha kullota e 500 rrënje arrore, dru frutore dhe vreshtari. Policia e Gjirokastrës ka bërë me dije se ka rënë në gjurmët e tre piromanëve që kanë aktivizuar vatrat e zjarrit. Dy prej tyre janë identifikuar dhe pritet të arrestohen.
Njoftimi
Ne Bashkine Gjirokastër, është shfaqur një tjetër vatër zjarri e rrezikshme në Njësinë Administrative Lunxhëri – Antigone, ku si pasojë e erës situata eshte agravuar dhe zjarri është shume prane banesave. Në vendngjarje po punojne strukturat e mbrojtjes civile. Gjithashtu ne mbeshtetje kanë shkuar edhe Forcat e Armatosura.
U bëjmë thirrje banorëve të jenë bashkëpunues me strukturat shtetërore për të zbatuar urdhrin e evakuimit.
