Në kohën kur frika është shtuar nga varianti Delta, kryeministri grek Kyriakos Mitsotakis ka marrë vendimin për ta kthyer vaksinimin e detyrueshëm. Ai i është referuar si fillim punonjësve që punojnë në sistemin e kujdesit shëndetësor.
Në Greqi, vaksinimi i detyrueshëm do të zbatohet nga mesi i gushtit për punonjësit në shtëpitë e kujdesit për të moshuar, ndërsa nga 1 shtatori për sektorin e shëndetësisë.
“Ne mund të përfundojmë kapitullin e fundit të krizës shëndetësore, vetëm nëse të gjithë marrin vaksinën që mundëson liri”, ka deklaruar kryeministri Mitsotakis.
Autoritetet i tremben një tjetër mbyllje, e ndërsa qytetarët janë shprehur kundër vaksinimit me detyrim. Grekët kanë dalë në rrugë duke protestuar, kundër vaksinimit anti-covid.
Më shumë se 5 000 protestues u mblodhën në një protestë në Athinë, për të kundërshtuar programin e vaksinimit të Greqisë.
Me pankarta në duar “merrni vaksinat tuaja dhe ikni nga këtu!”, si dhe duke kërkuar dorëheqjen e kryeministrit Kyriakos Mitsotakis, protestuesit u mblodhën dje jashtë parlamentit nën praninë e policisë.
“Çdo person ka të drejtë të zgjedhë. Ne po zgjedhim që qeveria të mos zgjedhë për ne”, tha Faidon Vovolis, një kardiolog.
