Ish-deputeti Halit Valteri ka reaguar pas operacionit të SPAK në Ministrinë e Brendshme. Me një postim në Facebook, Valteri teksa përgëzon SPAK për punën, nuk kursen edhe ironinë ndaj Bashës. Ai paralajmëron se nuk ka mbaruar ende, pasi 5 dosje të tjera janë në duart e prokurorëve të SPAK.
Kujtojmë që Valteri së bashku me Myslim Murrizin, rreth një vit më parë e denoncuan në SPAK tenderin për uniformat e policisë. Tetë zyrtarë dhe ish-zyrtarë të Ministrisë së Brendshme janë vënë në pranga ditën e sotme.
Nën hetim nga SPAK për tenderin e uniformave të Policisë së Shtetit në vitin 2020 kanë qenë prej muajsh Edlira Naqellari, Kreshnik Bejkaj, Ani Omuri, Klevis Hasani, Anisa Bogdani, Flutura Çekrezi, Fatmir Demneri, Gëzim Mingaj dhe Mariglen Buzali. Këto arrestime janë bërë në lidhje me tenderin abuziv të 11 majit 2020, në lidhje me uniformat e policisë me vlerë 2.8 miliardë lekë, të akuzuar për shkelje të barazisë në tendera.
Mes të arrestuarve është edhe ish-Drejtoresha e Prokurimeve Publike në Ministrinë e Brendshme, Edlira Naqellari, e cila u shkarkua nga kjo detyrë më 2 korrik.
Statusi
“Kur Opozita shpk e Lulit ndante milionat me oligarket per ti mbyllur gojen, ne Opozita tjeter benim punen per cfar paguhemi nga buxheti i shtetit!
Bravo SPAK , qe me profesionalizem dhe perkushtim arritet te coni para drejtesise nje pjese te nenpunesve me stomak !
Ska mbaruar akoma 5 dosje te tjera jane ne duart e prokuroreve te SPAK
Pushime te mbara Lul dhe kujdes se nje nga kto te 5-ta e ka kunati shokut xhemal.
