Ministrja e Shëndetësisë, Ogerta Manastirliu, njofton përmes një postimi në rrjetet sociale se sot hyjnë në fuqi masat e reja anti-COVID. Ndonëse situata paraqitet e stabilizuar, me numrin në uje të infektimeve, Manastirliu sërish apelon ndaj qytetarëve që të jenë të kujdesshëm, pasi pandemia nuk është zhdukur.
Ajo këshillon të gjithë qytetarët që të kenë kujdes. Varianti i ri i Covid, Delta mbetet alert, ndërsa është shfaqur në Kosovë. Ndër të tjera, Manastirliu kërkon që të mos ulet vigjilenca.
“Nga sot në fuqi plani i lehtësimit të mëtejshëm të masave anticovid, për t’i dhënë më shumë frymëmarrje jetës social-kulturore dhe turizmit në vend.
Por mbetet ende alerti nga varianti Delta, i cili është identifikuar edhe në vendet pranë nesh, ndaj nuk duhet të ulim vigjilencën dhe duhet të ecim me shpejtësi me vaksinimin anticovid, për mbrojtjen e jetës dhe shëndetit të qytetarëve”.
