Udhëheqësi i Koresë së Veriut, Kim Jong-un ka thënë se vendi i tij duhet të përgatitet për dialog por edhe për përballje me Shtetet e Bashkuara të Amerikës.
Kjo është hera e parë që Kim komenton drejtpërdrejt administratën e Presidentit Joe Biden. Më parë, Koreja e Veriut kishte anashkaluar përpjekjet e qeverisë së re të SHBA për të vendosur komunikimin diplomatik, shkruan BBC.
SHBA ka bërë thirrje që Koreja e Veriut të heqë dorë nga armët e saj bërthamore, por Peniani ka refuzuar vazhdimisht. Për këtë aryse, Këshilli i Sigurimit i Kombeve të Bashkuara ka vendosur sanksione të rrepta ekonomike për shtetin e Azisë Lindore.
Kim ka bërë këto deklarata në një takim me zyrtarë të lartë shtetërorë, që ka nisur këtë javë në kryeqytetin Phenjan.
Sipas tij, Koreja Veriore duhet të përgatitet për përballje, “për të mbrojtur dinjitetin dhe interesat e shtetit, për zhvillim të pavarur”, si dhe për të garantuar një ambient paqësor për sigurinë e verikoreanëve, ka thënë media shtetërore KCNA.
Deklaratat e tij vijnë pasi ai ka pranuar zyrtarisht se situata me ushqim po rëndohet në këtë vend.
