Përfundon sfida në Budapest midis Hungarisë dhe Portugalisë. Një ndeshje e luftuar nga të dyja ekipet, por u desh vetëm minuta e 84-të e takimit, që Portugalia të kalonte në avantazh.
Guerrero kaloi në avantazh luzitanët, teksa topi i goditur prej tij, u devijua nga mbrojtësi hungarez Urban dhe përfundoi në cepin e portës.
Në këtë ndeshje, nuk mund të mungonte Kristiano Ronaldo, i cili realizoi një dopietë në minutat e fundit të takimit.
Ronaldo që realizoi golin e dytë për kampionët e Europës, pas gjuajtjes së saktë nga pika e bardhë e penalltisë.
Ndërkohë, në miutën e 92-të, fituesi i 5 Topave të Artë, realizoi dhe golin e tij të dytë personale.
Me këtë fitore, Portugalia merr kryesimin e Grupit F, teksa pret e qetë ndeshjen tjetër, atë midis Francës dhe Gjermanisë, që do të luhet mbrëmjen e sotme në orën 21:00.
Standings provided by SofaScore LiveScore
