Ministrja e Shëndetësisë dhe Mbrojtjes Sociale, Ogerta Manastirliu ka dhënë lajmin e mirë, se Vlora është qyteti i parë në vend, që nuk ka asnjë rast aktiv me Covid-19. Lajmin, Manstirliu e bëri me dije përmes një postimi në rrjetet sociale.
”Lajm i mirë. Vlora është qarku i parë në vend, ku nuk ka raste aktive me covid19”, shkruan Manastirliu në rrjetin social, Facebook.
Situata epidemiologjike në vend
Në 24 orët e fundit, janë regjistruar 8 raste të reja me Covid-19, nga 3.375 testime të kryera. Rastet pozitive të konfirmuara janë identifikuar në këto bashki: nga 2 raste në Tiranë, Kuçovë, nga 1 rast në Shkodër, Durrës, Lezhë, Has.
Ndërkohë, një 73-vjeçar nga Tirana nuk e ka fituar dot betejën me sëmundjen. Po në 24 orët e fundit, janë shëruar edhe 14 pacientë, teksa raste aktive mbeten 136.
Statistika (15 Qershor 2021)
Raste të reja ditore 8
Të shëruar në 24 orë 14
Të shtruar në spitale 19
Humbje jete në 24 orë 1
Testime ditore 3,375
Testime totale 762,976
Raste pozitive 132,469
Raste të shëruara 129,879
Raste Aktive 136
Humbje jete 2,454
Shpërndarja gjeografike e rasteve aktive sipas qarqeve:
Shkodër 43
Tiranë 37
Berat 17
Durrës 11
Lezhë 7
Elbasan 6
Gjirokastër 6
Korçë 3
Dibër 3
Fier 2
Kukës 1
