Një i vrarë dhe një i plagosur është bilanci tragjik si pasojë e të shtënave me armë zjarri pranë Gjykatës së Tiranës, në kryqytet. Ngjarja e rëndë ka ndodhur pak çaste më parë, ndërsa shkak është bërë një konflikt pas një procesi divorci, ku Mexhip Picari ka vrarë ish-dhëndrin.
Picari hyri në lokal duke qëlluar 4 deri 5 herë ndaj Kudret Saliaj, i cili ishte duke konsumuar një kafe me avokatin, i cili po ashtu ka mbetur i plagosur. Saliaj është ekzekutuar nga ish-vjehrri i tij. I ndjeri ishte në proces divorci me bashkëshorten dhe ndodhej pranë gjykatës duke konsumuar një kafe me avokatin Adriatik Cama.
Ky i fundit ka marrë një plumb në bark, dhe ndodhet jashtë rrezikut për jetën. Cama ndodhet tani në spital, duke iu nënshtruar një operacioni për nxjerrjen e plumbit.
Ai ka qenë prokuror i çështjes së “21 Janarit”, teksa aktualisht punon si avokat.
