Një tërmet me magnitudë 4.8 goditi Greqinë pasditen e kësaj të enjteje. Sipas Institutit Gjeodinamik të vendit fqinj, lëkundjet sizmike u regjistruan rreth orës 18:06 në qytetin e Aigio, shkruan Zougla.
Tërmeti, me një thellësi prej 51 km, e kishte epiqendrën 13 km në veriperëndim të Kalavritës, ndërsa lëkundjet janë ndjerë edhe në Athinë.
Sipas ekspertëve, zona në të cilën ra tërmeti ka aktivitet tektonik, por jo të përmasave të mëdha, megjithatë autoritetet janë në gatishmëri, nëse do të ketë paslëkundje.
Fatmirësht, deri më tani nuk raportohen për të lënduar në njerëz, apo për dëme materiale.
