Gazetari i njohur investigativ, Artan Hoxha ka hedhur dyshimet e tij në lidhje me kryeministrin Edi Rama, sa i përket vendimit të DASH për të shpallur ”non grata”, paraardhësin e tij në detyrë, Sali Berisha.
Teksa ironizon me faktin se Presidenti Meta është zhdukur se po fsheh sfurqet dhe hanxharët që mprehu 25 prillit, Hoxha shprehet se Rama është i frikësuar, se ndoshta loja u hap për të gjithë.
Postimi i Hoxhës në rrjetin social, Facebook
Ore, se ky Berisha eklipsoi cdo gje tjeter dje dhe sot…
Mire shkelqesia e tij, Presidenti, eshte zhdukur se po fsheh sfurqet dhe hanxharet qe mprehu para 25 prillit, po udheheqesi Rama, ku ka humbur si spata pa bisht?! Na thuaj nje fjale he burre, sido qe te jete, pse ta ka ngrene macja gjuhen?!
Apo ke filluar te degjosh zhurmen e daulles, qe po bie diku larg?! Me duket se tashme loja u hap per te gjithe, thjeshte keni ne dore te mos tregoni shoket.
Lajmi për shpalljen ”non grata”, të Sali Berishës u dha nga Sekretari Amerikan i Shtetit, Antony Blinken më 19 maj. Ai njoftoi zyrtarisht se Berisha ka minuar demokracinë, dhe se gjatë ushtrimit të detyrës së kryeministrit, është përfshirë në afera korruptive.
Në faqen zyrtare, DASH ka publikuar vendimin e plotë, ku thuhet se Berisha ka qenë i përfshirë në veprime korruptive për shpërdorim të fondeve publike, dhe ndërhyrje në proceset publike duke përdorur pushtetin.
Në vendimin e tij, Blinken ka përcaktuar si të papërshtatshëm edhe bashkëshorten e ish-kryeministrit Liri Berisha, djalin Shkëlzen Berisha dhe vajzën Argita Berisha Malltezi.
Ndërkohë, ditën e djeshme, Berisha tha gjatë një konference për mediat, se do të padisë sekretaarin Blinken për shpifje, teksa shtoi se vendimi ka prapavijë politike.
