Departamenti Amerikan i Shtetit (DASH), e shpalli ”non grata” ish-kryeministrin Sali Berisha dhe familjen e tij, duke i refuzuar hyrjen në territorin e SHBA-ve.
Një nga argumentet që u përdor në deklaratën zyrtare të DASH, ishte fakti se Berisha ka ndihmuar aleatët e tij në kohën kur ishte kryeministër, duke i pasuruar nga abuzimet me fondet publike.
Gjatë një konference për shtyp, Berisha u shpreh se i hoqi imunitetin ish-Ministrit të Mbrojtjes, Fatmir Mediu pas ngjarjes në Gërdec në vitin 2008.
Ai përmendi edhe rastin e Ilir Metës në 2011, ku tha se jo vetëm dha dorëheqjen si zv/kryeministër, por kërkoi hapjen e procesit dhe u përball në Gjykatë.
Sali Berisha: ”Ajo që mund të them është pa asnjë bazë. Sali Berisha është autor i heqjes së imuniteteve në këtë vend. Heqja e imuniteteve. Ishministri Fatmir Mediu pas ndodhisë në Gërdec i kemi hequr imunitetin,e votuam. Çfarë ndërhyrje qenka kjo, heqja e imunitetit. Çfarë ndërhyrje është për Metën, kur hoqi vetëm imunitetin, kërkoi hapje të procesit. U përball dhe në Gjykatë.
Qeveria nuk është Gjykatë. Prandaj i jam drejtuar Gjykatës. PD do të ndihej në vështirësi nëse ky person nuk i adresohej një Gjykatë neutrale për të bërë drejtësi. Nëse duan të bëjnë vetë Prokurorin, vetë Gjykatësin, kjo jo.”
Berisha do të padisë për shpifje sektetarin amerikan të shtetit, Anthony Blinken, pasi vendimit të tij për ta shpallurr ”non grata” atë së bashku me familjen.
Ish-kreu i qeverisë bëri me dije se avokati që do të merret me çështjen e tij do të jetë nga Franca, dhe padia ndaj Blinken do të bëhet nga Gjykata Konveksionale e Parisit.
