Presidenti i Republikës, Ilir Meta u përfshi ditën e djeshme në një përplasje fizike me punonjësit e policisë bashkiake në selinë e FRD-së, pasi Bashkia i kishte kërkuar kësaj partie të lironte këto zyra.
Një ditë pas kësaj ngjarjeje, e cila bëri bujë jo vetëm në vendin tone, por edhe në mediat e huaja, rapsodi Gëzim Ahmetaj I ka kushtuar një këngë Kreut të Shtetit.
Kënga titullohet “Jetë të gjatë o Ilir Meta” dhe videoklipi përmban disa nga momentet kulminante të presidentit Meta, si ato nga protesta e 2 marsit të vitit të kaluar.
“Qysh kur vdiq Kastrioti, burrë më të fortë s’ka patur kombi”, “Kombit tonë me i shërby, politikës i ka hy”, janë disa nga vargjet që i drejtohen Presidentit Meta.
Ditën e djeshme pati një përplasje midis policisë bashkiake dhe zyrtarëve të partisë Fryma e Re Demokratike. Shkak u bë një dërgimi i një letre nga bashkia Tiranë e cila njoftonte FRD se duhet të boshatiste zyrat.
Sipas bashkisë, godina është e amortizuar dhe se FRD nuk është pronare e godinës. Në këtë përplasje u përfshi dhe Presidenti Meta.
Sipas kreut të FRD, Saili Shehu, këto veprime janë goditje politike për shkak të vendimit për të firmosur koalicion me opozitën e bashkuar, akt ky që largoi themeluesin Bamir Topi nga kjo parti.
