Mjeku infeksionist, Pëllumb Pipero ka komentuar, vendimin e doktoreshë Najada Çomos për të kandiduar për deputete në listën e Partisë Socialiste në Tiranë.
Në një intervistë që ka dhënë për Abcnews, Pipero tha se ky nuk është lajm i mirë, pasi sipas tij në një kohë kur Covid-i ende nuk është zhdukur, nuk është koha që një mjeke t’i futet politikës.
Ai ka thënë se mund të jetë lajm i mirë për parlamentin, por jo për pacientin, pasi sipas tij në Shqipëri një mjek është e pamundur që të ndryshojë politikën.
Pyetje: Jeni xheloz që Najada Çomo do të kandidojë në listat për deputetë në qarkun e Tiranës?
Pëllumb Pipero: ”Nuk kam pse të jem xheloz, di vetëm të them që ky është një lajm i mirë për parlamentin dhe lajm i keq për Infektivin.”
Pyetje: ”Nëse nesër apo sot do ju kishin thirrur ju, a do pranonit?”
Pëllumb Pipero: ”Pyetje e vështirë t’ju them të vërtetën, s’e jap dot përgjigjen e saktë tani se s’kam oferta nga asnjë forcë politike, por kam diskutuar me familjen dhe me vazjën dhe kolegëve iu kam thënë nuk është koha e përshtatshme për t’ju futur rrugës së politikës sepse kemi kovidin nëpër këmbë. Por duhet të jesh në pozicion që të kesh ofertën që të marrësh vendimin. Kurrë mos thuaj kurrë. Në shqipëri është e pamundur që një mjek të ndryshojë politikën sepse mjeku është mësuar me pacientin. Nuk është politika tek ne kaq e hapur dhe kaq dashamirëse me intelektualët. Mirëpo një aset një vlerë si doktoreshë Najada i bën mirë parlamentit. Çdo e mirë e ka një të keqe.”
